Г.Афзал
"Чишмә башы”
Бер эсседән качып,
Бер суыктан,
Кыргыйлыктан җаннар көйгәндәр
Тау астыннан чишмә тибеп чыккан,
Бер яхшылык булсын дигәндәр.
Тау итәген ярып чишмә типкән,
Салкын гына суы саф көмеш
Челтер- челер итеп агып киткән,
Дөнья буйлап киткән саф килеш.
Анда килеп намаз укыганнар
Мосафирлар дога кылганнар.
Чишмә башы- изге урын диеп
Тәсбих әйтеп торган урманнар.
Ә.Исхаков
"Чишмәләр иле син, Туган як!”
Еракка китмәгез су сорап.
Бу җирдә таулардан көй алып,
Чишмәләр яшиләр чылтырап...
С.Хәким
"Чишмә”
Чишмә буйларында үстем туып?
Үз авылым шунда, үз йортым.
Тынар иде җаным, эчсәм кайтып
Чишмәбезнең суын бер йотым.
Шул тын чишмә еллар буе читтә
Хисләремә кушылып ул аккан
Тик бер генә йотым эчәр идем
Бабам чапкан имән улактан.
Гомерем буе йөрисең дә читтә,
Кичәсең дә юлда зур давыл.
Шул чишмәнең улагына ятып,
Син басасың йөрәк сусавын.
Калган шигырьләрне сез шушы ссылкалар буенча карый аласыз:
